Whan I Sleep I Dream.
By Robert Burns
I.
Whan I sleep I dream,
Whan I wauk I'm eerie,
Sleep I canna get,
For thinkin' o' my dearie.
II.
Lanely night comes on,
A' the house are sleeping,
I think on the bonnie lad
That has my heart a keeping.
Ay waukin O, waukin ay and wearie,
Sleep I canna get, for thinkin' o' my dearie.
III.
Lanely nights come on,
A' the house are sleeping,
I think on my bonnie lad,
An' I blear my een wi' greetin'!
Ay waukin, &c.