Paradisum Amissam, Lib. II [1]
By William Cowper
Quales aerii montis de vertice nubes
Cum surgunt, et jam Boreae tumida ora quierunt,
Caelum hilares abdit spissa caligine vultus,
Nimbosumque nives aut imbres cogitat aether:
Tum si jucundo tandem sol prodeat ore,
Et croceo montes et pascua lumine tingat,
Gaudent omnia, aves mulcent concentibus agros,
Balatuque ovium colles vallesque resultant.