Bonnie Peg.
By Robert Burns
I.
As I came in by our gate end,
As day was waxin' weary,
O wha came tripping down the street,
But Bonnie Peg my dearie!
II.
Her air sae sweet, and shape complete,
Wi' nae proportion wanting;
The Queen of Love did never move
Wi' motion mair enchanting.
III.
Wi' linked hands, we took the sands
A-down yon winding river;
And, oh! that hour and broomy bower,
Can I forget it ever?