Beware O' Bonnie Ann.
By Robert Burns
Tune - "Ye gallants bright."
I.
Ye gallants bright, I red ye right,
Beware o' bonnie Ann;
Her comely face sae fu' o' grace,
Your heart she will trepan.
Her een sae bright, like stars by night,
Her skin is like the swan;
Sae jimply lac'd her genty waist,
That sweetly ye might span.
II.
Youth, grace, and love attendant move,
And pleasure leads the van:
In a' their charms, and conquering arms,
They wait on bonnie Ann.
The captive bands may chain the hands,
But love enclaves the man;
Ye Gallants braw, I red you a',
Beware of bonnie Ann!